إدى لعنيك أجازة
وبطل تكحلهم هم
إوعي تفتكر الدنيا ضيقة
الدنيا واسعة وبتلم
وإن خرم الدنيا ضايقك
إفتحلك مية ألف خرم
دا إحنا اللي بنوسعها
ياوله
وبنمسح من عليها الهم
لساك زعلان!
طب قول لي ليه؟
إيه؟
دا أنا زيك ويمكن أقل
أبوك مات ؟
م أبويا م الهم فل
وحيد؟
دا الوحده براح من غير غل
حبيبك فاتك؟
يا عبيط دا قدر
وقلبك خفيف ورقة شجر
من أقل مناغشة وفراق
تشوف اللي قصادق غدر
يابنى لو كل اللي سابوا بكوا
هنعيش في بحر دموع ماله بر
ولو كل اللي إنجرحوا حزنوا
كان الميزان يختل
إمسح دموعك.. إروى قلبك
بضى القمر
فراقها عيد
وأنا قلبي عليك إنفطر
العيد اللي انت مستنيه هيتأخر شوية اصل عمك رمضان ماجاشي
ردحذف