ملعون أبوك يا جنيه
ملعون
وما تسألش ليه
نصرت الظالم
خليته عالٍم
ذليت الحر
وخليت الكلب
بيه
بس إنت ذنبك إيه
دا انت يادوب ورقه
وإتحكم فيك
مليون سفيه
الحق لا عليا
ولا عليك
الحق علي اللي خلاك تصدق
إن ما فيش جنبك شريك
اللي خلي الناس تنحنى
توطى تبوس رجليك
بس إصحى وفوق
انا لسه راسي فوق
وعمرك ما هتبقي ليا
طوق
وعمرى ما هسيبك تتحكم
في حياتى
ولا أحلامى وغاياتي
أوعدك
في حياتى ومماتى
هقطعلك في قلبي
اي شوق
ليست هناك تعليقات:
إرسال تعليق